,./.,

\\..\\

W

=====

,,

... ...

';';';';

,.,.

Drop Down MenusCSS Drop Down MenuPure CSS Dropdown Menu

Thursday, November 3, 2016

Mh Mbunge wa Arusha mjini Godbless Lema hatapelekwa Mahakamani siku ya leo , hivyo tutazidi kuwajuza kinachoendelea. Imetolewa na Ofisi ya Mbunge - Arusha Mjini

Taarifa ambazo tumezipata mbunge huyo Godbless Lema pia haruhusiwi kuonana na mtu yeyote hata wakili wake amefika kituo cha Polisi amezuia kuonana naye wameambiwa ni amri kutoka mamlaka za juu.

======

Lema aswekwa mahabusu kwa mahojiano zaidi

Mbunge wa Jimbo la Arusha Mjini, Godbless Lema, amesafirishwa kutoka Mkoani Dodoma usiku wa kumkia jana na kuswekwa kwa mara nyingine tena Mahabusu Mkoani Arusha kwa mahojiano ya kutoa lugha za uchochezi.

[​IMG]
Godbless Lema - Mbunge wa Arusha Mjini katika moja ya mikutano yake

Akizungumza leo na waandishi wa habari ofisini kwake jana, Kamanda wa Polisi Mkoani Arusha, Charles Mkumbo, amesema Lema wamemweka mahabusu mpaka watakapomaliza mahojiano.

Amesema kuwa endapo watamaliza mahojiano atafikishwa mahakamani wakati wowote, ili kujibu makosa anayokabiliwa nayo.

Mkumbo amesema Lema amekuwa akitoa maneno na lugha za uchochezi na kuzirudia kila mara, hivyo wameona vema wamweke ndani.

Amesema juzi walimkamata na kumuhoji, kisha kumwachia kwa dhamana, lakini kuna baadhi ya makosa hakuhojiwa, na ndiyo wanamuhoji.
[​IMG]

Charles Mkumbo - Kamanda wa Polisi Mkoa wa Arusha

Aidha licha ya kumkamata Lema na kuendelea kumuhoji, lakini hakutaja maneno yapi na lugha za uchochezi alizotoa Mbunge huyo.

Novemba Mosi mwaka huu, Kamanda Mkumbo akiwa anazungumza na waandishi wa habari ofisini kwake, alitaja maneno ya uchochezi anayodaiwa Lema kutaja kuwa ni: “Mheshimiwa Rais wa Jamuhuri ya Muungano wa Tanzania akiendelea kukandamiza demokrasia,siasa za ukandamizaji taifa litaingia katika umwagaji wa damu,nchi hii inaandaliwa kwenda katika utawala wa kidikteta,”Aliyataja.

Chanzo: EATV

0 comments:

Post a Comment

ufunguzi