,./.,

\\..\\

W

=====

,,

... ...

';';';';

,.,.

Drop Down MenusCSS Drop Down MenuPure CSS Dropdown Menu

Wednesday, November 2, 2016

salum-mkemi
Mwanachama wa Young Africans ambaye anadaiwa kuvuliwa madaraka ya ujumbe wa kamati ya utendaji ya klabu hiyo,
Salum Mkemi amelaani taarifa zinazoendelea kuenezwa katika mitandao ya kijamii na kwenye baadhi ya vyombo vya habari kuhusu ushindi na harakati za kikosi chao ambacho kinaendelea kutetea ubingwa wa ligi kuu Tanzania bara.

Mkemi amedai kuwa, taarifa za kikosi chao kuhusishwa na mchezo wa kununua mechi za ligi hazina mantiki katika kujenga soka la Tanzania na amewahisi wanaoendelea kufanya mambo hayo kuacha mara moja.

Hata hivyo Mkemi katika maelezo aliyoyatoa amewahusisha mahasimu wao katika soka la bongo ‘Wekundu wa MSimbazi’ Simba. “Taarifa kwamba Yanga inanunua mechi ni propaganda ambazo zimeandaliwa na Simba ili kuwatisha waamuzi wasifanye kazi yao vizuri kwa upande wa timu ya Yanga.”
“Sisi kama Yanga tunasikitishwa na habari zinazosambaa kwenye mitandao ya kijamii na magazeti.”

“Simba wasiwe na mchecheto wao wanaongoza ligi na sisi tupo nafasi ya pili, kama baiskeli ya miti imetangulia, baiskeli ya kweli inakuja. Haji Manara na Hans Poppe wao ndiyo wanaopiga propaganda ya habari hizi, Yanga inawenyewe ugomvi tumeshauacha sasahivi tunagombana na Simba.”

“Mtu yeyote mwenye ushahidi kwamba Yanga inatumia pesa kuhonga waamuzi alete uthibitisho wake, tunawapa siku saba watoe vielelezo kwamba tunahonga waamuzi au timu pinzani kama hawana wanasheria wetu wako tayari kuwapeleka mahakamani.”
Hata hivyo Mkemi amesisitiza kuwa yeye bado ni sehemu ya uongozi wa Young Africans hadi sasa na tamko alilotoa kuhusu madai ya kuwepo kwa propganda za Simaba, ametoa akiwa kama kiongozi wa Yanga.

0 comments:

Post a Comment

ufunguzi