,./.,

\\..\\

W

=====

,,

... ...

';';';';

,.,.

Drop Down MenusCSS Drop Down MenuPure CSS Dropdown Menu

Monday, November 7, 2016

video

TANGU kuteuliwa kwake kuwa Mkuu wa mkoa wa Dar es Salaam Paul Makonda amekuwa akipokea malalamiko ya wananchi na taarifa za changamoto zifuatazo kuhusu hali ya huduma za kipolisi mkoani kwake.
1. Wananchi kutokupatiwa huduma kwa saa 24 kutokana na vituo hivyo kufungwa. 
2. Mazingira mabovu na yasiyoridhisha ya vituo vya polisi.
3. Polisi kutofika kwenye matukio kwa wakati pindi wapigiwapo simu na wananchi
4. Polisi kushindwa kutoa huduma kutokana na upungufu wa askari polisi
5. Majambazi kuvamia vituo vya polisi wakiwa na lengo la kuchukua Silaha.
MOJA YA VITUO VYA POLISI 
Changamoto hizo za msingi na ambazo zinahatarisha uhakika wa usalama wa raia wa Dar es Salaam na mali zao ndizo hasa zimemsukuma RC Makonda leo tarehe 6/11/2016 kufanya ziara maalum ya kutembelea baadhi ya vituo vya polisi ili kujionea hali halisi, ambapo baada ya ziara hiyo pamoja na mengineyo amebaini kuwa kuna ulazima wa kujenga vituo vikubwa zaidi, vya kisasa, vinavyoweza kuhudumia wananchi wengi zaidi na kwa wakati, vilivyounganishwa na huduma za kisasa za mawasiliano na utunzaji kumbukumbu na vinavyoweza kutumiwa na idadi kubwa zaidi ya polisi* akiamini kuwa ujenzi huu unamaana kubwa katika kuzalisha majawabu ya sehemu kubwa ya changamoto zilizotajwa. 

RC MAKONDA AKIZUNGUMZA NA WANANCHI NJE YA MOJA YA KITUO CHA POLISI ALICHOTEMBELEA

Kwasababu hiyo, RC Makonda ametangaza kuanza mchakato wa ujenzi wa vituo 20 vya polisi vitakavyogharimu jumla ya Bilioni 10 ikimaanisha ya kwamba kwa kila kituo itatumika milioni 500 pesa ambazo Mkuu wa Mkoa anapanga kufanya mazungumzo maalum na wadau wa maendeleo wa mkoa wake ili wamchangie sawa kabisa na namna alivyopambana kupata pesa za kutekeleza miradi mikubwa inayoendelea kutekelezwa mkoani kwake, ikiwemo ujenzi wa wodi tatu za kisasa, makao makuu ya BAKWATA na majengo ya emergencies hospitalini, miradi ambayo inagharimu zaidi ya bilioni 25 za kitanzania, fedha ambazo hazitoki kwenye mfuko wa serikali bali kwa wadau hawa wanaounga mkono utendaji wa hali ya juu wa RC Makonda unaoyapa kipaumbele maslahi ya wananchi wa DSM kwa ukubwa wake
VITUO MBALIMBALI ALIVYOTEMBELEA MAKONDA JIJINI DAR ES SALAAM

Kwa kuwa mkoa wa Dar es Salaam umegawanyika katika wilaya 5, ambapo kwa kila wilaya vitajengwa vituo 4 na kila kituo kitakuwa na ofisi za kisasa, vyumba vitatu vya mahabusu (kimoja cha wanaume, kingine cha wanawake na cha tatu ni kwa ajili ya wale wenye mahitaji maalum), chumba cha mahojiano, vyumba vya silaha, idara ya traffic, mapokezi, dawati la jinsia na ofisi za teknolojia ya mawasiliano (ICT sections), kwa ukubwa wake kituo kimoja kitatumiwa na idadi ya askari wasiopungua 100.

RC Makonda amezitaka  Kamati  za ulinzi na usalama za Wilaya zote  za Mkoa wa dar es salaam  wapeleke mchanganuo wa maeneo ambayo vituo hivyo vitajengwa ili kuwarahisishia wananchi kupata huduma za ulinzi na usalama za uhakika na kwa wakati wote kwa lengo la kudumisha Amani na Utulivu katika Mkoa wetu wa Dar es salaam.

0 comments:

Post a Comment

ufunguzi